UP te Cyber Fraud 3,000 Crores thurishe

NOIDA: Noida te ek jun ke thura beche, Wednesday din Uttar Pradesh police, Cyber Cell para janaishe ke, online fraud Rs 3,0000 crore, China te link thaka thurishe. Etu gang para manuh logot tangor firms te bhal part-time kam thiboli aro manuh laga poisa toh double hoikena wabas thiboli nemite thakishe, koikena Superintendent of Police, UP Cyber Cell, Triveni Singh para khobor toh janaishe. “gang pithor te ek jun ke toh Noida Cyber police station laga officials para Noida te thurishe. Ek manuh ke toh Bareilly te online fraud Rs 2 lakh case toh registered korishe,” koikena Mr Singh para koishe. Etu manuh laga nam toh Manzarul Islam 35-umer, West Bengal manuh thakishe. Etu case aro dosura fraud case investigate kora samai, police para janishe ke, manuh laga poisa toh accounts te loikena UPI ids para crypto wallets te transferred korishe aro etu toh China, Malaysia, Philippines aro Vietnam para handled kor ase, tai para khobor toh aro janaishe. “part-time job fraud aro investment fraud nemite, gang khan para manuh logot bulk messages send kori thaki aro etu bulk messages toh China te servers para bonai,” koikena Singh para PTI logot janaishe. “Cyber Cell para manuh laga poisa toh pesarina China te withdraw korishe,” koikena senior IPS officer para koishe. Etu case nemite aro dorusa investigation loi-ase janaishe.