Guwahati, May 9 : Assam, Guwahati laga Jyotinagar area te police para ekjun nokrani aro tai laga mota ke tai kaam kora malik laga ghor para Rs 3 lakh poisa aro gehna chor kora nimitey arrest kurisey.
Etu nokrani laga naam tu Minakshi Kalita asey. Tai para 15 din laga bhitor te olop poisa aro gehna chor kuri thakisey. Aro tailaga harkat tu tailaga malik para local manu khan laga modod para taikey sawal nokora tak tu janikina thakanai.
Etu chor kora tu titya dhora khaisey jitya etu nokrani laga malik para kunba local manu khan laga modod para Moday rati te Kalita laga samna kurisey.
Sources para jankari disey ki Kalita laga mota bi etu chori te shamil thakisey aro tai para kunba manu ke etu malik laga ghor para chor kora wala gehna bikri kurisey.
Taikhan para pichetey etu janibole parisey ki baki gehna aro poisa khan ke osor fale thaka Brindaban Talukdar koikina ekjun teacher laga ghor te rakhikina thakisey.
Hoilebi etu chori te Talukdar laga kiman haat asey etu tu janibole baki asey.
Jankari pa pichetey local police para etu chori kora mota maiki ke custody te loijaisey aro agey puchtach kuri asey.
