Aizawl, July 10 : Aizawl laga Sihphir jaga te ekjun 39 years laga Manipur para Mizoram te aha refugee tu electric shock khaikina murijaisey. Etu murija manu laga naam tu Lammuanthang thakisey. Tai tu Monday morning te ghor ke repair kora laga kaam kuri thaka homoitey ekdam bhayanak para murijaisey. Etu ghotna para tatey thaka local community khan ke asurit kuri disey.
Khobor pa hisap te etu ghotna tu titya hoisey jitya Lammuanthang tu golti para ghor laga thik opor te thaka high-tension power cable ke golti para chui disey. Tai para ghor laga chaat opor te chenta thaka tu thik kuribole kosis kora homoitey etu ghotna hoisey kuntu para tailaga jaan loiloisey.
Lammuanthang aro tailaga maiki tu olop din agey te hey Aizawl te ahisiley aro etu seher te July 3 te pungchisey aro etu jaga te olop din buhibole bisari thakisey. Taikhan para Siphir busti te ekta Assam-type ghor paisey aro etu ghor ke bhara te lobole plan kurisey. Lammuanthang para etu ghor laga jaruri maramat kuri thaka homoitey chaat laga opor te thaka dhila electric wire ke chuisey aro enaka kurikina etu jaan loiluwa laga ghotna tu hoisey.
Lammuanthang laga parivar para tailaga body ke wapas taikhan laga nijor jaga Lamka, Manipur te wapas loijabole modod mangisey. Manipur te etya chuli thaka gondogol aro larayi nimitey etu parivar para taikhan laga nijor jaga te Lammuanthang laga body ke bhal para tupabole diktar hoijaisey. Etu mamla ke address kuribole nimitey Central Yong Mizo Association (CYMA) para etu manu laga body ke Manipur te maan somman para alvida kuribole paribo nimitey support diboley agey barisey.
