Seoul, August 4, 2023: Ekta mota taila gari chulai nah sidewalk deh lakai dishae aro gari para olai nah jaku para manu keh mari taki takishae. Etu incident tho Thursday din deh huishae.
Authorities kan para kom she kom 14 manu nishi nah tho jokom kai nah ase kui shae aro etu incident tho etu mohinah deh 2nd mass stabbing ase. Kom she kom pasjun tho gari para jokom kuri dishae aro noda manu tho jaku para jokom kai shae. Etu incident tho Seongnam city lah subway station osor deh huishae kute manu bishi jama kuri nah taki shae. Southern Gyeonggi provincial police department laka official ekjun, Yoon Sung-hyun para report dishae.
National Police Agency laka head para etu attack tho “terrorism act nishi nah ase,” kuishae. Police kan para utu mota etu kile kuri shae kwa nai aro jokom kah manu kan b itia kinaka ase kwa nai. Authorities kan aro najana suspect ekjun kun scene deh arrest hui shae tai keh huda hudi kuri taki shae.
Incident laka photos kan deh forensic units kan AK Plaza kute stabbing tho huishae tate laka halls kan examine kura diki shae. Jua mohina, Seoul deh jaku dura manu ekjun para kom seh kom charjun keh tho stab kuri shae aro ekjun keh tho murai dishae kuishae police para.
Add Comment