Pharmacies Khan Laga Inspection Kurishey, Kohima Laga District Level Tey

August 11, 2023 : Itu Kohima District Level NARCO Coordination Centre (NCORD) Committee para ekta verification drive  conduct kurishey itu CCTV Camera installation kuria laga inspect kuri kena, sob pharmacies khan tey, Kohima laga city bhitor tey. Itu verification toh hoiley, Kohima laga Deputy Commissioner para April 19, 2023 tey order diya laga follow up asey check kuriboley utu toh follow kurishey nai koi kena, utu order tey sob pharmacy khan aru medical store khan tey CCTV camera khan dhaliboley koishey bhitor tey aru bahar tey tai khan laga jaga tey, ek muhina bhitor tey para. 

Itu verification toh hoiley 7^th August para 10^th , 2023 tak conduct kurishey, itu Committee laga Team para, itu District Administrator, Kohima Police aru itu Medical Department laga members khan mili kena. Itu NCORD Committee lagi thaka need toh emphasize kurishey itu opor tey kaam kuriboley aru husiyar kuri asey ki, itu opor tey kaam nakuriley, legal action lobo koi kena.