Myanmar, 9 October : Flood toh bhari mausam paarish para trigger kurishey Myanmar laga southern jagah khan dey aro itu para 10,000 manu upar ke nijor laga ghor jagah para hatai dishey aro rail lines dey traffic ulaishey kuntu para deah laga sobse dangor sheher khan ke connect kurey, officials aro state-run media kuishey October 9 dey.
Ekta senior official, Ministry of Social Welfare, Relief aro Resettlement dey, Lay Shwe Zin Oo, kuishey ki Bago region dey paarish giri thakishey kuntu jaa hafta shuru huishey itu para capital laga niche jagah khan dey flood huishey, Bago township. Tai kuishey ki itia tak dey eku casualties nai, huilewi 10,000 manu logot upar khan nijor laga ghor charina jawoley lagi jaishey.
Bago township para 7.87 inches (200 mm) laga paarish record kurishey, 59 saal dey itu laga sobse bishi, Myanmar laga Meteorological Department para Sunday dey kuishey. Paarish aro toofan toh Monday shaam tak thakiwoley forecast kurishey pura desh dey.
“Town laga pura jagah nishna toh flood hui jaishey,” utu Zin Maung, Mizzima Thukha Charity Foundation laga chairman para kuishey phone para Monday dey.“ Itu saal town dey itu 3rd flood asey aro bishi saal dey sobse biya asey. Sob monasteries town dey thakia para relief camps khulishey. Charity organisations para niche jagah laga manu khan ke paria tak pachai asey.”
Ekta 55-saal pura, Bago laga Pan Hlaing ward laga manu phone para interview kuria dey kuishey itu flood laga paani toh 5-6 feet pitor nishina thakishey taik laga colony dey, aro tai laga khantan manu toh ghor laga second aro third floor dey thaki asey.
