October 11, 2023: China kan taikan laka third belt aro Road forum hold kuri bole ase aha hapta deh, Beijing para Wednesday din deh kui shae. Event laka details kan b confirm kuri shae kute alak alak foreign leaders kan ahi bole ase attend kuri bole-Vladimir Putin b.
130 countries laka upor Representatives kan etu event deh part lubo leh ase kuto Beijing laka dangor infrastructure initiative, etu laka 10-year anniversary mana bo karne ase.
“Chinese President Xi Jinping forum laka opening ceremony attend kuri bole ase aro ekta keynote speech deliver kuri bo,” foreign ministry spokesperson Hua Chunying para kui shae.
Foreign leaders aro International organizations laka heads kan kun forum attend kuri bole ase, taikan karne welcome banquet hold kuri bo kui shae tai para.
Russia laka President Vladimir Putin para tai b etu event tho attend kuri bo kui shae. China aro Russia taijun b ekjun kejun keh strategic allies mateh. Russia para Ukraine inace kura piche deh, taijun laka relations tho aro bhal hoi jai shae.
