October 17, 2023: SM Entertainment para EXO laka members Sehun aro Chanyeol, agency para ola bole ase kui nah speculations tho deny kuri shae. Reports para K-pop idols tho ekta nutun agency pitor deh individual career kita bole ase kui nah claim kuri shae. EXO lak pitor deh notha members ase :- Xiumin, Suho, Lay, Baekhyun, Chen, Chanyeol, D.O aro Sehun.
SM Entertainment para etu kui shae,” Chanyeol aro Sehun nutun agency deh jai shae kui nah kotha tho misa ase. Contracts kna kuto EXO laka members para sign kuri shae SM Entertainment lokot, etu contract itia b valid ase aro EXO laka activities kan SM Entertainment laka pitor deh continue kuri takibo.”
Tuesday din deh SBSB Entertainment News agency para Sehun aro Chanyeol laka nutun agency deh report di shae. Tuita EXO member tho nutun agency lokot contract sign kuri shae kui nah report kuri shae. Etu nutun agency tho Jun Hoon Hak para found kuri shae kui shae kun iHO agency laka ex-CEO taki shae. Etu eki report deh Sehun aro Chanyeol tho SM Entertainment lokot ekta mutual agreement deh punchi shae kui shae nutun agency pitor deh personal activities kita bole.
Etu sal agae deh b EXO laka members Chen, Baekhyun aro Xiumin para joint lawsuit file kuri nah agency laka against legal battle kuri shae. Members kan taikn laka contracts terminate kuri bo mun jai taki shae. Tuita party b ekjun ekjun keh accuse kuri shae alak alak kotha kan deh hoile b itia tho dispute resolved kuri di shae.
Add Comment