Saina Nehwal jetise aro Kidambi Srikanth harise

Agencies, 20 October: Top Indian shuttler Saina Nehwal toh Indonesia laga Gregoria Tunjung logode sobta pora jeti kena Denmark Open laga women’s singles final deh kushise. Hoilebe toh Saturday din Odense deh Kidambi Srikanth toh men’s singles semifinals deh hara thakise. Olympic bronze medallist Saina pora Tunjung  logode 21-11 21-12 pora jetise aro tai jun laga khel toh 30 minutes deh kothom howah thakise. Sunday din Saina toh Chinese Taipei laga world number one aro nemesis Tai Tzu Ying logode khelibole ase. Tai Tzu logode Saina pora last time jeta toh 2013 deh thakise aro etu bechide Chinese Taipei shuttler pora last 10 matches debe jeti kena ase. Etu sal world number 10 Saina toh Tau Tzu logode jarta match debe hari kena ase aro tai jun majode last time khela toh August moina Asian Games deh thakise.