Singapore, 21 October: WTA Finals deh Karolina Pliskova pora defending champion Caroline Wozniacki logode jetise. 26-sal khelari Pliskova toh jowah sal Wozniacki logode WTA Finals laga semis deh hara thakise. Etu par tai Singapore deh 6-2, 6-4 pora jeta toh aram pora batlaa (revenge) lobole parise. Pliskova toh lower right leg deh dukh pai thakise hoilebe tai second seed deh ektum phal pora suru howah thakise. Australian Open champion logode five straight games pora najeta agae deh Pliskova toh suru service game time deh tuita break points bachabole para thakise. Sunday deh nakhela agae deh Wozniacki toh etu sal khali two top-10 players kheli kena ase. Tai first set deh deh rhythm pora dekthari powah thakise aro tai serve deh besi par galdi kora thakise. Second set time deh Pliskova toh joldi tinta break points bacha thakise. Etu pora tai laga opponent ke alchi korideya thakise. Dane toh ektum phal pora suru kora thakise. Hoilebe eight aro 10th games deh beya hoija pora title lobole dekthari hoija thakise. Etu agae deh Elina Svitolina pora Wimbledon champ Petra Kvitova logode 6-3, 6-3 pora jeta thakise aro tai jun laga khel toh 89 minutes deh kothom howah thakise. Svitolina toh seven straight deh khali ek-par he jetise. Hoilebe tai tables deh ektum phal pora korai ahhibole parise.
Karolina Pliskova jetise Caroline Wozniacki logode
Add Comment