Guwahati, November 5 : Assam cabinet minister Pijush Hazarika para November 5 te announce kurisey ki BJP para chola Assam sarkar para taikhan laga bachikina thaka tenure dui saal adha laga homoi nimitey 40,000 sarkari naukri announce kuribo.
Tongola koikina ekta jag ate public rally te kotha kuri thaka homoitey, Hazarika para koisey ki sarkar para aha dui saal adha te rajya laga youth khan nimitey 40,000 sarkari naukri ailan kuribole asey. Hazarika para koisey ki Chief Minister Himanta Biswa Sarma para rajya laga 87,000 youth khan ke sarkari naukri dikina tailaga kosom rakhisey. Hazarika para agey barikina koisey ki sarkar para sob naukri tu youth khan ke poisa nakhaikina aro ghoos kha laga eku ghotna naolaikina disey.
Sarkar laga alag scheme khan laga kotha kurikina, Hazarika para agey barikina koisey ki rajya laga 27 lakh parivar khan ke Arunoday scheme laga beneficiary banaisey. Yatey etu minister para koisey ki sarkar para aha dui saal te Arunoday scheme laga under te parivar khan ke anibole dukh kuribo.
Rajya te microfinance loan maaf kuridibole laga kotha kurikina, Hazarika para koisey ki etya tak sarkar para Rs 2000 crore maan laga microfinance loan ke maaf kuridisey.
Assam cabinet minister para agey barikina koisey ki Aatmanirbhar scheme laga under te, 1 lakh naukri napaikina thaka youth khan ke nijor laga business suru kuribole nimitey Rs 1 – 5 lakh laga loan dibo.
Tai para agey barikina Ayushman Bharat Scheme laga kotha kurisey kuntu laga under te manu khan ke Rs 5 lakh tak laga health insurance cover disey. Tai para etu bi koisey ki Himanta Biswa Sarma laga sarkar para Assam te medical college laga number tu 6 para 12 te loijaisey.
Add Comment