Mumbai, 23 November : Juti ODI World Cup final haar dey tai laga captaincy dey critical thakishey, former India batter Gautam Gambhir para Rohit Sharma ke T20 World Cup 2024 dey team ke lead kuriwo diwo mun asey. Rohit para India ke final tak lead kurishey kutey taikhan Australia khilaf haarishey six wickets para. India toh ekbar bhi naharina thakishey final tak huilewi final khel dey girishey. Gambhir para highlight kurishey ki Hardik para T20Is over dey jaa saal khan team ke lead kurishey toh, Rohit para team ke lead kuribo lagey. Gambhir para haalishey ki Rohit aro Virat Kohli taijun bhi squad dey ghusawo lagey T20 World Cup karney.
“Absolutely, [Kohli aro Rohit] taijun bhi pick kuribo lagey, tuijun ke bhi uthawo lagey. Aro, mui Rohit Sharma ke captain kuria sawo mun asey T20 World Cup dey. Hoi, Hardik Pandya parabT20Is captain kurishey, huilewi mui Rohit Sharma captain kuria sawo mun asey T20 World Cup dey,” Gambhir kuishey Sportskeeda deyz???.
“Itu World Cup dey, tai para itu dikhai dishey tai laga batting para. Juti Rohit Sharma ke uthailey, Virat Kohli ke toh automatically uthawo. Juti Rohit Sharma para T20 World Cup khiliwoley faisla kurishey kuiley, taike ekta captain nishina select kuribo lagey khali ekta batter nishina nahuina,” tai halishey.
Itu haafta olob agey dey, BCCI para Suryakumar Yadav ke captain panai dishey India laga ahi thakia T20I series karney Australia laga khilaf, kuntu Thursday, November 23 para shuru hui asey.
Suryakumar para team ke lead kuribo regular captain Rohit Sharma laga absence dey, kun ke India laga World Cup final haar Australia laga khilaf rest kurishey, aro vice-captain Hardik Pandya, kun ekta jokhum karney nakhilia huishey.
Suryakumar para team ke lead kuribo kitia Ruturaj Gaikwad toh tai laga deputy thakibo agey three T20Is karney. Shreyas Iyer toh last tuita T20Is karney join kuribo Raipur aro Bengaluru dey, aro tai vice-captain laga jagah lui luwo Gaikwad para.
T20 World Cup toh ahia saal huwoley asey West Indies aro United States of America dey.
Add Comment