New Delhi, 29 November : Indian mota laga cricket team head coach Rahul Dravid aro support staff ke contract extension dishey BCCI para. Dravid laga 2-saal contract Cricket World Cup 2023 khotom hua homoi khotom huishey, kutey India final pahunjishey huilewi Australia laga khilaf haarishey title clash dey. Itu former India captain toh kunwa offers paisheh alag Indian Premier League (IPL) franchises para huilewi tai faisla kurishey tai mota laga national team laga head coach thakia chari rakhiwoley. Tai laga agey assignment contract renewal piche dey, itu toh South Africa dey ekta tour thakibo.
Ekta release dey, itu BCCI kuisheh: “Board of Control for Cricket in India (BCCI) para Team India (Senior Men) laga Head Coach Mr. Rahul Dravid aro Support Staff laga contract extend kuri dia janai dishey. Itu BCCI para ekta productive khota kuishey Mr. Rahul Dravid logot tai laga contract laga term khotom hua piche dey olob agey ICC mota laga Cricket World Cup 2023 khotom hua piche dey aro tenure toh extend kuriboley maanishey.
Board para Mr. Dravid laga instrumental role acknowledge kurey Indian Team ke mould kuria dey aro tai laga alag professionalism dey commend kurey. Itu Board para Mr. VVS Laxman ke bhi appreciate kurisheh tai laga exemplary role karney NCA laga head nishina aro stand-in Head Coach nishina. Taikhan laga legendary on-field partnerships logot eki, Mr. Dravid aro Mr. Laxman para eki logot kaam kurishey Indian Cricket ke agey lui jawoley.”
Mr. Roger Binny, BCCI laga president Dravid laga renewal dey eku diktari thakianai. Itu dangor announcement piche dey, Binny kuisheh: “Mr. Rahul Dravid laga vision, professionalism, aro unyielding kosis toh Team India laga jeet dey bishi important cheez thakishey. Indian Cricket Team laga head coach nishina, tui hotai immense scrutiny andar dey asey aro mui taike mui laga appreciation janai di asey challenges ke lua ekela karney nahuina tatey thrive kuria karoney bhi. Indian Team laga performance khan toh ekta testament asey tai laga strategic guidance dey. Mui khushi asey ki tai Head Coach thakiboley laga offer accept kurisheh, aro itu para mutual respect aro shared vision thakia jaaney tai aro BCCI laga bheej dey. Mui eku shaak nai ki tai laga andar dey, team toh jeet laga pinnacle dey jaa chari rakhibo aro itu raasta dey notun benchmarks rakhibo.”
Add Comment