England, 2 December : England captain Jos Buttler kuishey ki tai England laga 2023 World Cup debacle chulawo tai nijor ke motivate kuriboley tai laga pura career dey, but huilewi tai kuishey itu sorom campaign para tai kinika manu asey itu define nakurey nahuiley tai laga pura career. England laga title defence toh ekta disaster thakishey, kutey Buttler ekta single fifty mariwoley parianai aro nine group-stage matches dey 15.33 average thakishey kitia tai laga form taike pura puri chari dishey. Buttler toh wapis raasta dey ahisheh, slate clear kuriwoley kosis dey kitia tai notun-look England side phaney jaiasey ekya white-ball tour dey West Indies laga, three ek din internationals dey para agey dey shuru kurina Sunday Antigua dey.
Buttler aro head coach Matthew Mott bishi sorom luishey seventh ahia karoney ten teams para subcontinent dey.
“Tui laga osor dey bhaal manu thakina, manu khan kun tui laga osor asey, itu para kunwa perspective rakhey zindagi aro cricket dey. Kitiaba toh dukh huwo lagey, nahoi? Muikhan international cricket events khili asey duniya laga sobse bhaal khiladi khan laga khilaf aro taikhan bhi son eki ambitions asey muikhan thakia nishina toh kitiaba toh aasan nahubo,” itu double World Cup winner ke quote kurishey Skysports para.
“Itu nishina aasan asey captain hindsight huwoley. Kuwi tui XYZ galti huishey, kitia tui bhaal para nakhiley kosis kuriboley aro to tui laga plan implement kuriboley, faisla toh kitiaba olob thik nahui jai. Mui hotai Ben Stokes’ laga khota yaad ahey Jofra ke super over laga : yatey ki hui itu para tuike define nakurey aro mui inika nalagey ki World Cup toh mui karney ekta defining pal asey,” tai halishey.
“Itu bishi afsos khota asey huilewi itu para muike ekta manu nishna defind nakurey nahuiley mui laga pura career. Zindagi chuli thakey, duniya toh julti agey jai. Hotai agey sawoley kiba ekta thakey. Kitia bhi tui para phabna kuria nishna biya nahoi aro kitiabi tui paea phabna kuria nishna bhaal nahoi,” England white-ball captain kuishey.
ODI squad: Jos Buttler (captain), Rehan Ahmed, Gus Atkinson, Harry Brook, Brydon Carse, Zak Crawley, Sam Curran, Ben Duckett, Tom Hartley, Will Jacks, Liam Livingstone, Ollie Pope, Phil Salt, Matthew Potts aro John Turner.
T20I Squad: Jos Buttler (captain), Rehan Ahmed, Moeen Ali, Gus Atkinson, Harry Brook, Sam Curran, Ben Duckett, Will Jacks, Liam Livingstone, Tymal Mills, Adil Rashid, Phil Salt, Matthew Potts, Reece Topley, John Turner aro Chris Woakes.
Add Comment