England, Lutton Town, December 5, Arsenal bara Lutton ke bara biche tey table tey 5 points bara agey jaishey. Declan Rice laga 97th Minute goal bara arsenal ke 3-3 bara 3-4 lead dishey. Etu Match tey Arsenal keeper David Raya bara galti kurishey aro Mikel Arteta laga Arsenal 3-2 bara Hari thakishey second half tey. Huilewi Arsenal laga Kai Havertz jintu Wapas form tey asey, tai equalizer goal dishey aro score 3-3 kuri dishey. Stoppage time 97th minute tey Declan Rice laga header bara Arsenal ke 3 points seal kuri dishey aro league leaders banai dishey 5 points bara.
Declan Rice laga winning goal bara Arsenal fans aro coach Arteta ke bishi Khushi duri dishey. Arsenal laga bhabna tey tai khan etu saal title Othawoley positive asey.
Arsenal laga last Premier league title toh 2004 thakishey aro last season taihan Olob karney league paranai aro second Khotom huishey.
“Mui bishi Khushi asey. Muihan Jani thakishey etu bishi dukh daakar huwo aro muihan nijor laga galti tey goal khai kina match toh taan kuri dishey” Arteta bara kuishey.
“Etu team laga spirit, muihan kinika Tasker dishey, muihan laga quality thik timing tey aro muihan kityawi haar namania. Muihan etu karney ahishey aro muihan Jeet paishey”
“Lutton Han bishi bhal khilishey, Bishi dukh pa la match thakishey. Mui team ke khota kuishey aro taihan bishi Khushi asey aro jump kuri asey”
Gabriel Martinelli bara score toh open kurishey Arsenal karney aro Lutton laga Gabriel Osho bara equaliser dishey. Arsenal laga Gabriel Jesus bara Arsenal ke aro ekbar lead dishey halftime nahua agey tey.
Elijah Adebayo bara Lutton laga equaliser marishey aro 2-2 kuri dishey half time bichey tey. Arsenal laga keeper Raya laga mistake opor tey Ross Barkley bara Lutton town ke 3-2 lead dishey.
Huilewi Declan Rice bara last goal of the match marishey aro 3-4 score line tey Arsenal bara Jeet haasil kurishey.
Etu Match bichey tey Liverpool second place tey asey aro last year laga champion Manchester City 3rd place tey asey.
Declan Rice laga winner toh skipper Martin Odegaard laga cross bara ahishey.
