Imphal, December 7 : Manipur laga Kangpokpi district laga Kuki-Zo bodies para olop din ageyte khotom huwa Mizoram election te Zoram People’s Movement (ZPM) leader Lalduhoma laga etihasik jeet laga jashan manaisey. Lalduhoma laga Mizoram laga next Chief Minister huwa laga kosom kha ceremony nimitey rukhi thaka homoitey, Kangpokpi Town Committee, Kangpokpi Women Welfare Organization aro Kangpokpi Youth Union para town committee office te ekta simple hoilebi khusi laga kashan maaisey.
Etu ZPM leader aro tailaga party ke taikhan laga kamyabi nimitey pura mon para badhayi dikina, Kuki-Zo bodies para Mizoram laga manu khan ke Mizoram te manu khan laga sarkar banabole nimitey milikina mehnat kora nimitey taikhan laga khusi janaisey.
Etu jashan, kuntu te Kangpokpi Town Committee office shamil asey etu tu Vengathah Ward No. 3 Chairman Chonkam Kipgen laga ghor te ekta bara khana host kora picheyte hoisey. Kangpokpi Women Welfare laga ekjun executive member Malsawm para Kuki-Zo bodies laga behalf te kotha koisey aro Mizoram laga manu khan para lagatar support paithaka nimitey dhanyabad janaisey.
Mizo bhasa te, ekta message pungcha te, Malsawm para Manipur te thaka Kuki-Zo kindred jati khan para khusi janaisey aro Mizoram laga manu khan para khas kurikina dukh laga homoitey support, morom aro chinta bara nimitey khusi janaisey.
