December 16, 2023 : July 7th, 2022 para May 11th, 2023 laga period laga homoi tey, itu pura puri nala tey para letra generate kuria toh, Nagaland tey, estimate kuria toh hoiley 91.2 million litres asey, ek din tey (MLD), aru ekta bhi treat kuria- nai, dara provide kuria para inform kurishey, Union Ministry of Housing and Urban Affairs (MoHUA) para, itu Lok Sabha tey, December 14th 2023 tey.
Incidentally, tatey aru bhi dikhai asey, tatey toh hoiley eku bhi Sewage Treatment Plants (STPs) nai, itu State tey, aru itu laga hisap tey, sewage laga treatment laga gap khan tey, 91.2 MLD thaki kena asey.
Itu data toh hoiley, itu 36 States/Union Territories (UTs) para information provide kuria laga based tey asey, itu National Green Tribunal (NGT) ke, aru reflect kurishey, itu laga order tey, May 22, 2023 laga dated tey, MoHUA kaga Minister of State – Kaushal Kishore para koishey, ekta written reply tey.
Itu North- East States khan bhitor tey, Mizoram toh hoiley sewage toh bishi bhal ara manage kuria laga dikhi paishey koishey, 27.84 MLD thaki kena, 51.8 MLD treat kuri kena, aru itu treatment laga lowest gap toh 23.96 asey koishey. Sikkim toh hoiley itu laga pichetey thakishey, 236.48 aru 435.35 respectively, tai khan logotey eku STP thakanai koishey.
Add Comment