Varun Tomar, Esha Singh Olympics Quota seal kurishey

Jakarta, 8 January : Jawaan Indian shooters Varun Tomar aro Esha Singh taijun Monday dey tuita Olympic quota luishey desh karney, gold medals logot, Asian Qualifiers dey mota aro mahila laga 10m Air Pistol events dey, Jakarta. Itu duo laga qualification para Indian shooters kun Paris dey jawoley asey itu total 15 panai dishey, kuntu highest-ever tally logot eki huishey Tokyo Games dey achieve kuria laha. India para group dey aro haliwo parishey kun Games karney jai asey July-August dey itu saal kitia pachina thakia qualifiers toh lubo.

India para Monday dey six medals luishey, tuita team golds milaina, continental event dey.

Itu 20-saal Tomar para 239.6 marishey final dey top position luwoley, kitia Arjun Cheema toh silver medal jitishey 237.3 laga ekta score logot. Mongolia laga Davaakhuu Enkhtaivan (217.2) para bronze medal jitishey.

Agey dey, Tomar (586), Cheema (579) aro Ujjawal Malik (575) para total 1740 shoot kueishey, 10m air pistol team gold jitibo kaeney, kitia Iran aro Korea para silver aro bronze medals jitishey.

Tomar, ekta former junior world champion, tai toh Tokyo Olympian Saurabh Chaudhary laga cousin asey, kun 2018 Asian Games dey ekta gold medal jitishey.

18-saal Esha itu piche dey gold jitishey mahila laga event dey ekta 243.1 score logot. Silver toh Pakistan laga Kishmala Talat (236.3) ke jaishey, kitia bronze toh Esha laga compatriot Rhythm Sangwan (214.5) para luishey. Itu 21-saal Talat bhi ekta quota paishey Paris Games dey, kuntu para takke third Pakistani shooter panaishey itu feat achieve kuria.

Esha, Rhythm aro Surbhi Rao, team gold medal bhi jitishey, milaina 1736 score paishey.

Esha toh ekta world championship gold-medallist asey  10m air pistol mixed team aro 25m pistol team events dey.

26 desh khan para 385 athletes nishna Jakarta laga Senayan Shooting Range dey active asey 256 medals karney (84 gold, 84 silver aro 88 bronze medals), Paris quotas laga alawa.

Itu tournament laga agey, India toh 13 Olympic quota places jitishey shooting across rifle, pistol aro shotgun disciplines dey.