Malaysia, 9 January : Double Olympic medalist PV Sindhu aro duniya laga No. 8 Prannoy HS para ekta strong Indian squad ke spearhead kuribo Badminton Asia Team Championships 2024 dey kuntu Shah Alam, Malaysia dey luwoley asey February 13 para 19 tak. Itu prestigious team event toh Indian shuttlers karney valuable qualification points pawo nimidey important huwo Paris 2024 Olympic qualification laga race dey. Itu team championships para India laga star shuttler PV Sindhu laga comeback bhi mark kuribo, kun international circuit laga bahar dey thakishey ekta khutna laga jokhum karney four mahina nishna karoney.
Itu 16-saal senior national champion Anmol Kharb, Badminton Asia Junior Championships medallist Tanvi Sharma aro Ashmita Chaliha para former world champion ke backup diwoley asey mahila laga singles category dey.
Treesa Jolly aro Gayatri Gopichand, kun para Indian team ke ekta historic bronze medal jitiwoley motut kurishey jaa saal Badminton Asia Mixed Team Championships 2023 Dubai dey, mahila laga doubles dey contest kuribo. Itu pachina thakia tuita pairs toh rising duo aro Yonex-Sunrise Guwahati Masters 2023 champions Ashwini Ponnappa-Tanisha Crasto milaina asey reigning senior national champions Priya Devi Konjengbam-Shruti Mishra logot.
Alag haat dey, tour dey sobse consistent shuttlers toh, Prannoy asey, kun tai laga agwy BWF World Championships medal aro BWF World Tour title bhi jitishey Malaysia Masters 2023 dey, mota laga team ke lead kuribo. Commonwealth Games gold medallist Lakshya Sen, former World No. 1 Kidambi Srikanth aro olob agey dey crown kuria senior national champion Chirag Sen para taike team India laga pursuit dey motut kuribo.
India squad
Mota laga Team: Prannoy HS, Lakshya Sen, Kidambi Srikanth, Chirag Sen, Satwiksairaj Rankireddy, Chirag Shetty, Dhruv Kapila, M R Arjun, Suraj Goala, Pruthvi Roy
Mahila laga Team: PV Sindhu, Anmol Kharb, Tanvi Sharma, Ashmita Chaliha, Treesa Jolly, Gayatri Gopichand, Ashwini Ponnappa, Tanisha Crasto, Priya Devi Konjengbam, Shruti Mishra.
Add Comment