Asian Olympic Qualifiers: Sheoran men’s 50m rifle 3 positions deh gold pai shae

January 12, 2024: Friday din Asian Olympic Qualifiers deh Indian shooters Akhil Sheoran aro Aishwary Pratap Singh Tomar gold aro silver jiti shae mens’s 50 m rifle 3 positions deh. Taikan etu jiti nah country laka dominant show tho dikai ase continental event deh. SHeoran para 460.2 mari shae eight-men final deh jiti bole. Alak side deh Tokyo Olympian Tomar para 459.0 laka score mari nah second pai shae podium deh.

Thailand laka Thongphaphum Vongsukdee tho 448.8 laka score mari nah bronze medal jiti shae. Sheroan aro Tomar laka duo Swapnil Kusale lokot milai nah team gold medal jiti bole ase eki event deh Chinese aro South Koreans team laka agae deh taki kina. Indian kan tho 1759 points deh ase. Second placed teams lokot deh 14 points agae deh ase kuto dangor gap ase.