January 12, 2024: Friday din deh Star Indian shuttlers Satwiksairaj Rankireddy aro Chirag Shetty, taikan laka second successive semifinal punchi jai shae China laka Ren Xiang Yu aro He Ji Ting keh harai nah Malaysia Open Super 1000 tournament deh.
World no. 2 Indian pair, kun Asian games gold medal jiti shae jua sal, taikan rallies time deh control deh taka nishi nah taki shae aro net deh proactive taki kina world no 32, Yu aro Ting keh 21-11, 21-8 laka points deh harai di shaee khali 35 minutes laka pitor deh.
Hoile b alak side deh Ashwini Ponnappa aro Tanisha Crasto tho Japan laka Rin Iwanga aro Kie Nakanishi laka against 12-21 13-21 score deh hari jai shae women’s double quarterfinals deh. World no. 24 Indians kun world no. 1 aro twice world champions Mayu Matsumoto aro Wakan Nagahara laka against jita nah shock ani shae, taikan etu eki performance tho Iwangana aro Nakanishi laka against dika bole para nai.
Add Comment