Australia, 16 January : India laga Sumit Nagal toh Australian Open 2024 laga second round dey ghusishey, ATP world no. 27 Alexander Bublik ke haraina. Nagal para tai laga opponent ke agey tuita sets dey overpower kurishey, 6-4 aro 6-2 laga margins para jitishey. Itu third set, huilewi, ekta intense contest thakishey, kutey itu tuita khiladi neck-to-neck khilishey agey six khel dey. Nagal itu piche dey Bublik ke giraishey aro 4-3 advantage luishey, 5-3 nakuria agey dey. Huilewi, drama toh third set dey ulawoley baki thakishey.
Bublik para itu ke 4-5 kuriboley parishey, point nakiraina ahia match jitia piche dey, kuntu para Nagal ke ekta opportunity dishey second round dey ekta jagah karney serve kuriboley. Itu Indian para itu occasion luishey aro tai laga serve rakhiboley parianai, kitia itu Kazakhstan star para 5-5 kuri dishey.
Itu tuita khiladi bhi taikhan laga respective khel dhurishey khel ke ekta tie-breaker kuri diwoley, kutey Nagal para 7-5 laga jeet luishey. Itu toh 1989 para luina agey par asey ki ekta Indian para ekta seeded khiladi ke Grand Slam dey haraishey. Nagal para tai laga opponent ke straight sets — 6-4, 6-2, 7-6 dey haraishey.
Nagal laga second-round qualification toh ekta memorable feat asey tennis history dey Indian manu khan karney. Kitia itu mota laga singles events dey ahey, Australian Open dey Indian tennis khiladi sobse duur tak jaa toh third round tak asey.
Legendary Ramesh Krishnan toh third round karney five par qualify huishey tai laga career dey Australian Open dey. Tai itu 1983, 1984, 1987, 1988, aro 1989 editions dey kurishey. Tai para world No. 1 Mats Wilander ke second round dey haraishey 1989 dey.
Vijay Amritraj bhi alag ekta Indiain asey kun first round agey jaishey Australian Open dey. Tai second round tak 1984 Australian Open dey jaishey kitia Leander Paes bhi itu nishna multiple occasions dey kurishey, 1997 aro 2000 dey.
Add Comment