England, 22 January : Mohamed Salah toh Nations laga Africa Cup dey Egypt squad ke charibo, tai laga club Liverpool dey hamstring jokhum laga treatment chari rakhiboley, itu country laga football association para Sunday dey kuishey, huilewi taikhan hope kuri asey ki tai tournament dey Ivory Coast dey wapis ahibo. “Salah toh Monday laga khel attend kuribo Cape Verde laga khilaf aro itu piche dey UK dey sawari kuribo,” itu Egyptian Football Association kuishey. “Egyptian medical staff aro taikhan laga Liverpool counterparts bheej dey communication kuria piche dey, muikhan maanishey ki itu khiladi toh UK dey wapis jawo tai laga treatment chari kuriboley, Egypt team dey semi-finals karney wapis ahiboley bisas rakhina.”
Liverpool manager Jurgen Klopp para itu 31-saal toh England dey treament lua toh thik asey kua piche dey Itu announcement ulaishey.
“Itu hi plan asey,” Klopp kuishey, Liverpool laga 4-0 jeet piche dey, Bournemouth dey Sunday, kitia hudishey ki juti Salah toh itia Merseyside dey wapis ahibo na nai.
Salah toh Pharaohs’ crucial Group B clash para ulai dishey, Cape Verde laga khilaf Abidjan dey Monday, aro Egpyt laga last-16 match juti taikhan agey jailey.
Salah para ekta press conference ke Sunday dey kuisheh ki tai convinced asey ki tai toh Africa laga champion kuina julti nahuiley deri crown kuri dibo.
“Mui paria tak sob jitishey huilewi itu wala aro kurianai,” kuishey saal laga itu tuibar African footballer.
“Itu toh kinika huina bhi huwo, mui itu bisas asey, aro mui ki bisas kurey mui itu achieve kurey, toh julti nahuiley deri itu huwo.”
Add Comment