Oman, 24 January : Deepika Soreng aro Mumtaz Khan para ekta ekta brace score kurishey kitia Indian mahila laga hockey team para 5-4 jeet luisheh Poland laga khilaf FIH Hockey5s mahila laga World Cup laga opening Pool C match dey Wednesday. Mumtaz (4th, 23th minutes) aro Deepika (6th, 29th) tuibar strike kurishey, kitia Mariana Kujur (23rd) toh alag goal scorer thakishey India karney. Poland laga goals toh Julia Kucharska (8th), captain Marlena Rybacha (10th), Paula Slawinska (27th) aro Monika Polewczak (29th) para score kurishey.
Itu Indians toh blocks para julti ulai jaishey kitia taikhan fourth minute dey lead luishey Mumtaz laga field goal agey dey.
Tui minutes piche dey, Deepika para India laga lead double kurishey alag field strike logot.
Poland para olob minute piche dey wapis strike kurishey Kucharska aro skipper Rybacha laga field goals logot kuntu para scores toh 2-2 dey level kurishey kitia five minutes pachina thakishey first half dey.
Four minutes piche dey, Mumtaz para tai laga second goal score kurishey kitia India toh first half khotom huwoley homoi scoreline dey 3-2 thakina lead kuei thakishey.
Khel laga second half toh ekta shaanti shuruqat thakishey kutey tuita teams bhi eku goals score kuriboley ekjun ekjun ke maana kuri thakishey.
Huilewi kitia India para Poland upar dey pressure rakhishey kunwa top-quality passing logot, Kujur para India laga lead ekta brilliant finish logot agey lui jaishey. Three minutes pachina, Slawinska para ekta Indian pass rukhai dishey aro deficit toh 1 dey komti kuri diwoley scorw kurishey.
Huilewi, Deepika julti score kurishey kitia India aro ekbar two-goal lead luishey. Polewczak para olob piche dey aro scorw kurishey kuntu para score toh 5-4 huishey India laga favour dey khali ek minute pachina.
Itu Indians para itu lead ke dhurina rakhishey taikhan laga campaign ekta positive note dey shuru kuriboley.
India toh next United States of America ke khilibo.
