Imphal, Janauary 26 : Manipur para Kangla Fort te 75th Republic Day manaisey. Kotey Manipur laga Governor Anusuiya Uikey para India laga Flag lehraisey aro alag alag march-past kora group para salam paisey.
Manipur laga Chief Minister N. Biren Singh, Manipur Legislative Assembly laga Speaker, Cabinet Minister, MLA khan, Chief Secretary, Director General of Police aro Senior Civil aro Police khan bi Republic Day laga celebration te shamil hoisey.
Etu celebration laga suruwat tu Manipur laga Governor para IPS Probationer, Shri Gaurav Dogra para command kora ekta group para Guard of Honour diya ke inspect kurikina kurisey.
Etu picheyte, Governor Anusuiya Uikey para India laga National Anthem baji thaka homoitey Flag ke lehraisey aro etu picheyte 24 march-past group para salute paisey. Etu march-past group tea lag alag band thakisey aro etu sob band ke 1st Battalion Manipur Rifles laga Commandant Ksh. Ravikumar Singh para command kurisey. Etu laga alava, march-past huwa picheyte 11 ala alag Cultural Troupes khan para bi march kurisey .
Etu homoitey, Manipur Governor para Manipur Police Department laga officer aro personnel khan ke Distinguished Service(ekdam alag aro dangor kaam kora nimitey) President’s Police Medal, Bahaduri dikha nimitey Police Medal, Meritorious Service nimitey Police Medal, Excellence in Investigation(Ekdam bhal para jaanch kora) nimitey Union Home Minister’s Medal aro Meritorious Service nimitey President’s Civil Defence Medal disey.
Manipur CM N. Biren Singh para Vote of Thanks disey.
Kangla Fort te Republic Day celebrate kora picheyte, Governor Anusuiya Uikey tu CM N. Biren Singh, Manipur Legislative Assembly laga Speaker aro MLA khan logotey milikina Imphal laga Mantripukhri jag ate thaka Rani Gaidinliu Park te jaisey aro Freedom Fighter Rani Gaidinliu laga 109th Birth Anniversary te tailaga statue ke somman disey.
Kangla Fort te Republic Day manabole nimitey jabole ageyte CM N. Biren Singh para tailaga Secretariat te bi National Flag lehraisiley.
