England, 26 January ; Manchester City midfielder Kalvin Phillips toh West Ham dey loan dey join kurishey Friday dey pachina thakia season karney kitia England international toh Euro 2024 tai feature kuriboley laga chances boost kuribo mun aseg. Phillips toh rarely feature kurishey English champions karneh Leeds para join kuria piche deg ekta 45 million pounds ($57 million) karney July 2022 dey. Huilewi, England boss Gareth Southgate para itu 28-saal ke international level dey select kuria chari rakhishey aro regular first-team football para Phillips ke tai laga case thakiboley chance dishey Germany dey ekta notun spot shuru kuriboley itu saal.
West Ham toh reportedly ekta option thakibo itu move ke permanent kuri diwoley itu season khomtom huwoley homoi.
“Mui West Ham dey jaa toh hotai bishi speculation thakishey, itu karney itia jawolwy mui bishi excited asey,” kuishey Phillips.
“Club karney season laga second half dey agey sawoley bishi asey aro itu laga ekta part huwoley mui rukhibo naparey.
“Yatey ekta unbelievable group asey aro juti mui ahiwo pariley aro quality haliwo pariley, kuntu mui jaaney ki mui capable asey, mui jaaney ki West Ham fans bishi excited huwo itia aro season khotom huwoley homoi laga bheej dey.”
Hammers toh agey par karney Champions League jitiwoley taiyar asey, Premier League nahuileu Europa League jitina.
David Moyes laga team toh table dey sixth buhi asey fifth logot kuntu Champions League karney qualify huwoley kaafi huwo parey itu season, juti English sides toh European competitions dey bhaal para perform kuriley.
Jaa season laga Europa Conference League winners bhi Europa League laga last 16 dey agey jaishey.
