February 3, 2024: Prime Minister Narendra Modi laka two-day trip kuto Assam deh ase, etu trip tho Saturday din deh shuru hui shae. Trip time deh ta BJP laka state core committee lokot mili bole ase aro Rs 11,600 crore laka developmental project unveil kuri bole ase.
Prime Minister tho Guwahti laka Lokpriya Gopinath Bordolor International Airport deh 7:30 pm deh land kuri bole schedule ase aro tai tateh puncha piche deh Koinadhora State Guest House deh jabo. Friday din deh Chief Minister Himanta Biswas para PM tho BJP laka state core committee lokot mili bole ase kui shae rati time deh aro party laka affairs discuss kuri bol kui shae.
Sunday din 11:30 am deh Modi para ekta public meeting address kuri bo Khanapara laka Veterinary College Playground deh. Kuteh tai state aro central projects kan bishi unveil kuri bole ase. Kun bah major projects kan tho etu kana se: Kamakhya temple corridor (Rs 498 crore), Guwahati deh nutun airport terminal para six-lane road, Nehru Stadium keh FIFA standards tak upgrade kuri bole aro Chandrapur deh nutun ekta sports complex.
Add Comment