India, 3 Febraury : Para-athlete Suvarna Raj, kun para desh ke global events dey represent kurishey, Saturday dey IndiGo airline crew ke ‘mistreatment’ laga aarop kurishey, kuishey ki tai para carrier ke taike ekta personal wheelchair diwoley request kurishey aircraft darwaza dey huilewi staff para jawaab dianai. Suvarna para aarop kurisheh ki taike IndiGo crew members para mistreat kurishey kitia tai New Delhi para Chennai tak ekta flight luishey. Suvarna para seat number 39D(Aisle) book kurishey Chennai-bound flight dey Friday dey.
ANI ke Saturday dey khota kuina, itu para-athlete kuishey, “itu airlines para infamy court kuri thakishey inika nishna ghatna logot. Kitia mui ekta flight dey board kurey, mui para hotau crew members ke ektq personal wheelchair karney request kurey aircraft laga darwaza dey. Mui itu agey dey hazar par kurishey. Huilewi, kunwa occasions dey, mui aircraft darwaza dey wheelchair painai. Kiley? Kitia mui aircraft laga darwaza dey mui laga wheelchair mangey, crew para kui, ‘Atcha ma’am’. Huilewi, eku wheelchair nathakey cabin dey thakia wala alawa,” Suvarna para ANI ke kuishey.
Tai para crew members laga ‘attitude’ aro indifference upar dey bhi janai dishey, kuishey, “Mui taikhan ke 10 par kuishey ki mui nijor laga personal wheelchair aircraft laga darwaza dey lagey, huilewi mui taikhan ke kiman par mangilewi, taikhan para nahunia nishna chari dishey. Jaa kali, three managers ahishey aro muike kuishey ki aircraft darwaza dey wheelchair diwoley ekta policy asey. Toh kiley muike ekta dianai?”
“Mui para jinta uthaishey aro airport authorities logot ekta complaint lodge kurishey. Jaa kali din agey dey, ekta security staffer para mui laga saathi dey hudishey, kun bhi wheelchair-bound asey, ekta check karney chair para uthiwoley. Taike ekbar ekela nahuina three par uthiwoley kuishey. Mui laga saathi kuishey ki tai uthiwoley naparey huilewi crew member para taike uthiwoley hudi thakishey aro kuishey ‘Tui uthiwoley parey.’ Manu laga sensitivity toh kut jaishey? Muikhan smart cities karney agey jaishey asey huilewi muikhan lagia toh smart aro sensitive mun asey. Mui media dey itu mistreatment laga khilaf ahiwo mun asey. Morom para specially-abled manu khan laga dukh upar dey olob sympathetic thakibi,” Raj kuishey.
Tai kuishey ki itu personal wheelchair, kuntu Rs 3 lakh daam asey, airline crew para damage kuri dishey.
Suvarna toh Korea dey 2014 Asian Para Games dey tuita medals jitishey kitia 2013 dey Thailand Para Table Tennis Open dey bhi tuita medals luishey.
Add Comment