Assam government para school khan laga khilaf te FIR file kuribole

Guwahati, February 08 : Assam government tu uniform bhak kora te garbari kora nimitey school khan laga khilaf te FIR file kuribole asey.

Etu tu Assam laga Chief Minister Himanta Biswa Sarma para Thursday (February 08) te koisey.

Assam CM Himanta Biswa Sarma para koisey ki state government para student khan ke school uniform diya te garbari kora laga zimidar thaka manu khan khilaf te police case file kuribo.

Tai para koisey ki Assam laga sarkar tu Lok Sabha election picheyte action lobo.

Assam CM Himanta Biswa Sarma para koisey ki rajya te school uniform bhak kora te garbari kora laga iljam ahi asey.

Tai para enaka koisey, “Amikhan para student khan ke free school uniform dibole nimitey poisa di asey. Hoilebi, ami para etu janisey ki kunba school khan laga uniform tu bhal quality laga asey aro kunba tu bhal quality laga nohoi.”

Etu Assam CM para koisey ki rajya laga kunba school khan tu state government para diya poisa laga galat istamal kuri asey. 

Tai para enaka koisey, “Etu bar, amikhan para enaka garbari kora laga khilaf te aro etu te shamil thaka manu khan laga khilaf te FIR file kuribo. Amikhan tu Lok Sabha election picheyte action luwa suru kuribo.