Guwahati, February 08 : Aam Aadmi Party (AAP) para ahibole thaka Lok Sabha Election nimitey Assam laga 3ta seat para taikhan laga candidate announce kurisey. Etu 3ta seat tu Guwahati, Dibrugarh aro Tezpur para asey.
AAP MP Sandeep Pathak para INDIA alliance logotey lamba homoi para baat-chit chuli thaka te frustration(niras hoija) tu jataisey. Aro enaka koisey, “Amikhan tu khali baat-chit kuri thaka tu etya alchi hoijaisey. Amikhan para election larikina jitibole bi lagey…Amikhan tu INDIA alliance logotey khara kuri asey aro akha kuri asey ki etu alliance para aji(Thursday te) AAP para announce kora 3ta seat tu taikhan ke bhak kurikina dibo…’Tai para election jitibole nimitey time aro strategy kiman jaruri asey etu laga kotha kurisey.”
INDIA laga gatbandhan ke loikina, Delhi para kotha kurikina, Pathak para INDIA bloc logotey bisi lamba choura baat-chit kora para apsoos asey koikina janaisey. Aro koisey ki election osor pungcha nimitey taikhan logotey homoi komti aro kaam bisi asey. Tai para etu hope bi jataisey ki AAP para Assam nimitey announce kora 3ta seat ke INDIA alliance para accept kuribo.
Add Comment