February 8, 2024: 8th February 2024 deh ANMA Integrated Development Association (AIDA) kan Nagaland State laka pitor deh aro St. Xavier College, Jalukie lokot collaborate kuri nah solar home lighting system phak kuri shae 200 rural household kan keh. Etu occasion tho St. Xavier College, Jalukie, Peren laka Auditorium Hall deh taki shae.
Etu occasion deh Deputy Commissioner Peren, Vineet Kumar IAS, special guest taki shae aro tai para tai St. Xavier College lokot kushi deh ase kui shae enaka program kan organize kura karne. Tai para enaka programs kan rural bosti kan deh life sustain kuri bo kui shae. Tai para aro jama kura manu akn ekh social activities kan deh actively part lubi kui shae aro social endeavor b enhance kuri b kui shae.
SDB Executive Director AIDA, Rev. Fr. Roy George, taila speech deh tai para etu tho Nagaland deh first phase ase kui shae home lighting system bhak kura tho aro aha dinb kan keh 8000 solar system install hobo kui shae.
Distribution program time deh, Nsong bosti, Old Ngaulong bosti, Beisumpuiloa bosti aro lalong bosti kan solar home lighting system pai shae kuto Deputy Commissioner Peren para hand out kuri shae.
(DPRO Peren)
Add Comment