February 9, 2024: Thursday din deh US President Joe Biden para Israel laka military operation kuto Hamas laka against jabo nimi di ase, etu tho “Over the top” ase kui shae. Tai Palestinian manu kan laka duk tho highlight kuri taki shae kun kan heavy bombardment aro lack of essential supplies laka duk suffer kuri shae.
“Gaza deh humanitarian assistance pata bole mui bishi koshish kuri ase. Innocent manu kan bishi starve kuri ase. Innocent manu kan itia bishi duk deh bui ase aro mura b muri ase. Aro itia ruka bole time hui shae,” Biden para kui shae.
Biden para aro ekta deal itia banai ase kui shae. Hostage laka release aro jakara tho olop deri karne rukai dileh tho war deh ekta dangor change ani bole pareh kui nah.
Taila statement tho ekta State Department spokesperson para US kan Rafah deh Israeli military laka operation support nakuri bo kwa piche deh ahi ase. Israeli Prime Minister Netanyahu para Wednesday din deh military kan Rafah deh kili bole ready kuri ase kui shae.
Alak kobor deh ekta Israeli airstrike para pastha manu keh murai di shae. Etu Israeli airstrike tho Al-Shifa Hospital laka ekta room keh target kuri taki shae kui shae journalist Khader Zaanoun paara. Journalist Khader Zaanoun tho etu kobor city laka health officials laka hath para pah ase aro tai eti kobor CNN keh kui shae.
Add Comment