February 10, 2024: Friday din deh Poland laka defense minister para Russia leader Vladmir Putin laka statement tho “zero credibility” ase kui shae, tai para Poland keh invade nakuri bo kui nah b. Bishi deri karne Poland aro Russia laka majo deh tension kan ase hoile b Warsaw kan Russian laka invasion keh ruka bole Kyvi keh support kura piche deh tension tho aro bia hui jai shae.
Thursday din deh release hua interview deh, Putin para Russian kan Poland nahoileh Latvia keh invade kuri bo kwa tho “question laka bahar ase” ase kui shae. “Mukan Poland, Latvia, kut jaka hoile b interest nai. Mukan kile utu kuri bo? Mukan ene interest heh nai. Etu tho khali threat mongering heh ase,” Putin para kui shae.
Putin laka comments deh huda time deh, Polish laka Defense Minister Wladyslaw Kosiniak-Kamysz para Putin laka claim deh “zero credibility” ase kui shae. “Kotha ekta para b mukan laka guard keh nama bole nadi bo aro enaka nishi nah kotha kan para etu cause naku reh,” Kosiniak-Kamysz para reporters kan keh kui shae Friday din deh.
Add Comment