February 14, 2024 : Itu muhina laga Phek District Planning & Development Board meeting February 2024 nimitey loishey, itu DPDB laga conference hall tey para, Phek tey, 14th February 2024 tey, itu Phek laga Deputy Commissioner & DPDB laga Vice Commissioner – Kuko Mero laga chairmanship under tey.
Itu meeting laga homoi tey itu Phek laga Deputy Commissioner para inform kurishey ki, itu jawa muhina laga DPDB laga meeting laga agenda khan toh verify kurishey, aru itu government ke forward kuridi shey, consideration nimitey. Tai para medical department ke hudishey, ekta morgue set up kuriboley karney, thik thak equipment thaki kena Phek District Hospital tey, post mortem nimitey aru itu district laga head office khan ke bhi matishey, sincere effort disseminate kuriboley tai khan ke assign kuri kena diya kaam khan tey aru tai khan ke urge kurishey, importance diboley, DPDB meeting khan tey attain kuriboley, kiley maney tai toh hoiley ekta strict attendance procedure maintain kuriboley asey, DPDB attendance khan nimitey. Mero para itu bhi inform kurishey itu house ke ki, itu BLOs khan laga training, itu 2024 Lok Sabha Election nimitey toh hoiley aha muhina tey hoboley asey.
Phek laga Additional Deputy Commissioner – Ruopfukuotuo Noudi para itu office khan laga head ke itu sob department khan laga employee khan laga list mangishey, itu Parliamentary Election nimitey, kiley maney kunba officers khan aru staff khan laga naam khan toh hari kena asey koishey.
Add Comment