Guwahati, 17 February : Ekta mahila ekta tragic end log paishey, Saturday subha dey ekta lamba residential building para giria piche dey, Central Guwahati laga Rupnagar area dey.
Bhangagarh Police Station laga Officials para Northeast News ke kuishey ki itu mahila toh Houshfed Complex laga block 2 laga eighth floor para girishey Rupnagar dey.
Itu victim toh Sunita Devi thakia jaani paishey, aro tai spot dey murishey. Taike Guwahati Medical College aro Hospital (GMCH) dey julti lui jaishey, kutey doctors Khan para janai dishey ki taike muria piche dey anishey.
Police officials para ekta detailed investigation shuru kurishey itu case dey.
Police officials para comment kuriboley maana kuri asey aro kuishey ki taikhan ekta conclusion dey ahiwoley itia bishi julti asey. Kitia itu laash toh post mortem examination karney pathaishey, forensics experts para bhi itu case dey investigate kuri asey.
Itu ghatna para Housefed Complex laga community ke asorit kuri dina asey, aro police para bhi itu building laga residents ke khota kua shuru huishey.
Add Comment