Aurnachal Pradesh, 17 February : Pan Arunachal Joint Steering Committee (PAJSC) para kali black day observe kuriboley pura taiyar asey, infamous APPSC paper leak scam laga ek saal hua mark kuriboley, kuntu aji din tak inconclusive thakina asey.
Media ke aji adress kurina, PAJSC vice chairman Tadak Nalo kuisheh ki kaali (February 18) taikhan ekta black day nishna observe kuribo. Nalo kuishey ki APPSC paper leak case ke government para resolve kuribo naparia laga taikhan government laga failure highlight kuribo mun asey ek saal khotom hua piche dey bhi.
Kaali PAJSC para ‘Pustak Jalao Andolan’ launch kuribo kutey taikhan para aspirants aro common citizens ke books julawoley madishey aro ekta video panaina social media dey haliwoley, kutey alag maju dey Chief Minister Pema Khandu aro Union Minister Kiren Rijiju nishna dangor leaders khan ke tag kuribo..
PAJSC vice chairman agey dey kuishey ki manu khan bahar raasta dey jaina protest kuribo lagey. Tai kuisheh ki taikhan ghor para books julawo paribo aro itu videoes khan upload kurina CM, Union Minister Rijiju aro alag leaders khan ke tag kuribo lagey itu issue ke highlight kuriboley.
PAJSC para bhi kuishey ki taikhan para February 20 laga Statehood Day celebrations boycott kuriboley asey.
Add Comment