Imphal, February 18 : Manipur Governor Anusuiya Uikey para Saturday din te Senapati district headquarter te visit kora homoitey Naga community laga side para etu district laga development nimitey bisi petitions(request) paisey.
Senapati tu Manipur laga bisi bhak Naga tribe laga ghor asey.
Alag alag Naga organization, jaiseki Naga People’s Organisation, Senapati, Zeliangrong Union, Senapati Zone, Maram Union, Senapati, Senapati District Women’s Assosiation, Manipur (ANSAM) aro Indian Red Cross Society, Senapati District Branch para Governor Anusuiya logotey baat-chit kurisey.
Taikhan para demand kora tu Senapati district te ekta medical college banabole, ekta multipurpose hall banabole, Don Bosco College, Maram ke pura puri university te bodli kuridibole, drug surveillance programme laga his ate drug para affect hoikina thaka jawan manu khan nimitey ekta rehabilitation centre banabole, district hospital te blood bank banabole aro Senapati laga AstroTurf ke upgrade kuribole laga thakisey.
Ageyte, Senapati town laga district headquarter te pungcha picheyte, Governor Anusuiya ke Deputy Commissioner, Mamoni Doley, Superintendent of Police, Ms. Anupam aro CSOs logotey alag official khan aro manu khan para bhal para swagat kurisey.
Add Comment