February 20, 2024: Ramadan laka shuru deh Hamas kanhostages release nakureh leh Israeli forces kan Rafah deh military operations expand kuri bo, war cabinet minister Benny Gantz para Sunday din deh kui shae.
Muslim laka holy month to March 10 nahoileh 11 para shuru hobo kui nah expect ase aro Gantz laka comment tho Israeli military action laka sobse clearest deadline ase itia tak. “Dunia kan jani boleh lakeh aro Hamas leaders kan jani bole lakeh -Ramadan shuru nahua time deh mukan laka hostages kan ghor deh nata kileh, jakara tho hoi taki bo Rafah laka jaka deh,” Gants para Jerusalem deh kui shae American Jewish organisation laka agae deh.
“Mukan ekta coordinated manner deh kuri bo, Mukan laka American aro Egyptian partners lokot kotha kuri nah civilians laka evacuation facilitate kuri bo civilian casualties minimize kuri bole.”
Israel kan Rafah deh taikan laka ground operations expand kuri bo kui nah plan kuri ase kui shae Hamas keh destroy kuri bo karne. Hoile b 1.5 million nishi nah Palestinians kan Rafah deh taka karne jinta tho uthi ase kile koile tateh taka manu kan kuteh b jab oleh nah hui shae.
