February 20, 2024: North Korea leader Kim Jong Un, Russian laka President Vladimir Putin laka hath para ekta gari pai shae “taila personal use karne”, official para Tuesday din deh report kuri shae. Putin aro Kim September mohina deh mila piche deh tuita countries kan aro close hui jai shae aro sob areas deh exchanges kan promote kuri bole kasam kuri shae.
Feb 18 deh Russian side para Russian-made car tho Kim laka top aides keh deliver kuri shae, official KCNA news agency para kui shae.
Kim laka sister para Kim Jong Un laka nam deh Putin keh thanks kui shae. Tai para gift tho ekta clear demonstration ase kui shae top leaders laka majo deh special personal relations ase kui nah,” KNCA para kui shae.
Gari tho Russian para kinaka ship kuri shae aro gari kinaka ase, etu describe kura nai report para. Kim tho ekta avid automobile enthusiast ase kui nah biswas ase manu kan aro luxury foreign gari laka dangor ekta collection ase tai lokot deh.
