February 22, 2024: IG Stadium, Kohima deh Khalo India University Games 2023 host kuri bole ready ase Nagaland. 22nd February deh media keh address kura time deh, Secretary, Youth Resources & Sports, Anthony Ngullie para Nagaland karne honor aro privilege ase kui shae Khelo Indian University Games host kuri bole. Tai para State tho fully prepared ase kui shae wrestling conduct kuri bole.
Director, Youth Resources & Sports, Kethosituo Sekhose para 240 nishi nah athletes aro 80 officials kan games deh participate kuri bo kui shae. Tai para guest kan tho 19th February para aha shuru hui shae kui shae. Tai para Dimapur railway station aro airport deh reception desk kan set up kuri nah ase kui shae athletes aro officials kan keh receive kuri bole.
Sekhose para mota kan karne, tuita style taki bo: Greko-Roman style aro fresstyle. Maike kan karne tho khali freestyle heh taki bo kui shae.
Games laka commencement program para shuru hobo kuto 23rd February 2024 deh ase. Program tho IG Stadium, Kohima deh lubo leh ase kuteh Neiphiu Rio para occasion tho grace kuri bo. Games tho 25th February deh kotom hobo aro guest kan 26th February para tho wapas jai jabo. Khelo Indian University Games laka 4th edition tho North Eastern states kan para organized kuri ase aro Assam laka state tho main host ase.
(Wepre, Apro and Kazuhito, IA)
Add Comment