February 22, 2024: Wokha District Planning & Development Board laka monthly meeting tho 21th February 2024 deh lui shae, Deputy Commissioner laka conference Hall, Wokha deh. Meeting tho Chairman DPDB & Advisor for Agriculture Mhathung Yanhtn para chair kuri shae. MLA Mhonbemo Humtsoe para b meeting tho attend kuri shae.
Meeting tho nutun DPDB members kan keh introduce kura piche deh shuru hui shae. Etu piche deh agendas kan laka kotha kuri shae. Meeting time deh etu agendas kan laka kotha kuri shae. Societies laka registration, Yikhum bosti deh taka Ekhumrhong Rehab Centre nishi nah, Akuk bosti deh nutun Don Bosco School kuli bole, Kaviyasri Project laka activities kan, District industries Centre aro aspirational bosti kan laka review.
Yikhum bosti laka pastor Zanbemo Kithan para Yikhum bosti deh taka rehab center (Ekhumrhong) laka activities kan highlight kuri shae. Tai para rehab tho purely Church funding project ase kui shae skill development activities kan kuri nah substance abuse kura manu kan keh fully recover kuri dibo leh.
Chairman DBPD & Advisor Agriculture, Mhathung Yanthan para Yikhum Baptist Church keh thanks kui shae enaka noble initiative kan kura karne kuto khali utu bosti laka bhal karne nahoi nah sob district karne ase.
Akuk bosti deh nutun Don Bosco School kuli bole laka mamla leh, Chairman para approval karne SDEO keh verification report submit kuri b kui shae aha DPDB meeting deh.
District Development Manager, National Bank for Agricultural & Rural Development (NABARD), Poji para Wokha district karne NABARD pitor deh ki ki development activities aro schemes ase, etu kan highlight kuri shae.
District Industrial Centre, District Resources Person, Thungchao Jungio para Pradhan Mantri Formalization of Micro Food Processing Enterprises (PMFME) laka schemes pitor deh activities kan ki ase etu kan highlight kuri ase.
(DPRO, IA WOkha)
Add Comment