February 22, 2024: 22nd Feb 2024 deh District Administration & District Election Office, Lotha Eloe Hoho aro District hub for Empowerment of Women, Wokha lokto deh ekta Women Mock Parliament debate organize kuri shae “Men Dictate the Vote and Voice of Naga Women” laka topic pitor deh. Debate tho DC Conference Hall, Wokha deh lui shae.
ADC, Wokha K.Furhesie, taila keynote address dia time deh etu event tho Wokah deh 2nd time karne organize kuri ase kui shae SVEEP campaign laka pitor deh aro Election Commission of India laka ekta flagship program ase kui shae voters kan keh educate kuri bole aro mukan laka country voters literacy promote kuri bole. Tai para etu tho ekta multi intervention program ase kui shae kuto laka aim tho voters kan keh reach out kuri bile ase alak alak tarika para. Etu tho taikan laka awareness utha bo karne ase.
Campaign laka main objective tho etu Lok Sabha election para voters laka turnout 75% tak utha bo karne ase, sob polling booth deh electoral roll sabha kuri bo karne aro enrolment turnout deh gender gap tho chutu kuri bo karne ase. Etu heh nahoi nah urban aro youth keh address kuri bo karne ase electoral participation deh.
Debate competition deh tosta maike participate kuri shae. Students, Lotha Eloe Hoho representative kan para program tho attend kuri shae. Debate karne panel of judges kan Associate Professor Khyopenthung Tsopoe, Principal Doyang Polytechnic Er. Julia Achumi aro PGT, GHSS Mhonbeni Ezong kan taki shae
(DPRO< WOkha)
Add Comment