February 22, 2024: Conservator of Forest (CF), for Northern Territorial Circle (NTC), Rongsenlemla Imchen (IFS) para Longleng Forest Division visit kuri shae. 20th aro 21th February 2024 deh Japan International Cooperation Agency (JICA) laka pitor deh Nagaland Forest Management Program (NEMP) kinakla function kuri ase, etu karne ekta review meeting lubo leh ahi shae. Tai para Batch-III, Yachem bosti b visit kuri shae inspection karne.
Review meeting time deh Rongsenlemla Imchen para H. Tokugha Chophy, DFO cum DMU Head Longleng laka guidance pitor deh Longleng Forest Division kam tho bhal para kura karne kushi pai shae kui shae. Entry Point Activity (EPA) aro Water Harvesting Structure (WHS) b alak governmental Departments aro Village Councils lokot deh banai shae kui shae jana tho kushi deh ase kui shae. Yachem bosti deh taka time deh, tai para Joint Forest Management Committee (JFMC) aro Self Help Groups (SHGs) kan keh taikan laka kam bhal para kuri b kui shae yachem bsoti tho ekta model bosti hobo karne.
Review meeting time deh, H. Tokugha Chophy, DFO cum DMU Head Longleng para welcome address di shae. Etu piche deh Ailong Phom, ACF cum ADMU Head Longleng aro Bedangmongba Ao, Deputy Ranger cum FMU Head, Sitap Range, FNGO Team Leader and DMU Support Staff para PPT presentations kuri shae.
Batch-III, Yachem bosti deh, Rongsenlemla Imchen para bosti laka JFMC aro SHGS lokot deh ekta consultative meeting lui shae aro etu piche deh nursery plantation, Jhum Agro Forestry (JAF- 1) aro JAF-2. Inspect kuri shae.
Add Comment