Paris, 28 February : India laga Athletics Federation laga vice-president Anju Bobby George para Wednesday dey kuishey ki Asian Games gold-winning steeplechase runner Parul Chaudhary toh itu saal laga Paris Olympics dey watch out kuriboley lagi thakia khan maju dey asey kutey tai javelin throw dey ekta medal logot bishi expect kuri asey.
Itia tak, nine Indian track-and-field athletes toh Games karneh qualify huishey July-August dey, kitia defending gold-medallist Neeraj Chopra aro Kishore Jena taijung javelin throw dey paishey.
Chaudhary toh limelight dey ekta gold logot shoot kurishey 5000m dey aro 3000m steeplechase events dey ekta silver, jaa saal Hangzhou Asian Games dey. Itu 28-saal toh agey first Indian asey kun 3000m mahila laga steeplechase dey nine minutes logot komti luishey.
Alag Indian athletes kun itia tak Paris Games karney qualify huishey taikhan toh Avinash Sable (mota laga 3000m steeplechase), Akashdeep Singh, Vikas Singh aro Paramjeet Singh Bisht (mota laga 20km walk), Priyanka Goswami (women’s 20km walk), aro Murali Sreeshankar (mota laga long jump).
