March 2, 2024 : District Level Neighbourhood Youth Parliament para mili kena organise kurishey, Nehru Yuva Kendra, Longleng, para & Longleng District Administration toh hoiley 2nd March 2024 tey para loishey, CMTC Hall Longleng tey para, EAC – Vitolu logotey, tai tatey Special Guest thaki kena.
Special Guest – Vitolu, EAC Longleng para tai laga speech tey, discipline, punctuality opor tey koishey aru itu youth khan ke encourage kurishey, sob platform khan tey part loboley karney.
Itu ‘New India, New initiative’ topic opor tey kotha kuri kena Dr. Samuel Akho Konyak P, EAC Longleng para itu youth club ke encourage kurishey, itu notun methods khan laga, internet chulaboley laga aru ki ki laga social activity khan tey bhi active thakiboley karney koishey
Agey phaney, Kisor Barman, DYO, NYK Longleng para keynote address deliver kurishey, kotey tai para itu sob guest aru participants khan ke welcome kurishey, aru itu jama hoa manu khan ke brief kurishey kene para register kuriboley lagey, Mybharat portal tey.
Sports laga material khan toh hoiley distribute kurishey, 14 Youth club khan ke, Longleng district under tey. EVM laga demonstration toh hoiley. Election Department Longleng para dishey. EVM demonstration toh hoiley keneka VVPAT machine toh chulaboley lagey aru vote kuria laga demo toh hoiley kurishey, itu sob 65 youth club para participate kurishey itu program tey.
Pongchei B. Phom, NYV para pronounce kurishey aru itu program toh hoiley Mongnyei C. Phom, NYV para chair kurishey.
Add Comment