March 9, 2024 : Itu St. Joseph’s College Laga 10th Spring Fest 2024 (Autonomous) toh hoiley loishey, itu theme “Timeless Tradition’ laga under tey, Jakahama tey para, 8th March 2024 tey, Chief Minister laga Advisor – Abu Metha tatey special guest thaki kena.
Itu inaugural programme laga homoi tey, Metha para tai laga appreciation janaishey, itu Catholic community ke, tai khan laga contribution nimitey society tey. Tai para koishey ki, statehood laga time para aru itu para bhi agey para Catholic institution khan para toh eman bosti bosti jaga khan tey jai kena humanitarian service khan provide kurishey, education aru health care services khan. Tai para itu bhi koishey ki, tai nijey ke Catholic principal shikhishey diboley laga aru aji Tak bhi tai toh hoiley Tai effort kurey chutu mutu tey para diboley karney. Metha para itu students khan ke encourage kurishey, “Ekta contribute kuria member hoboley karney, graduate kuria pichetey nahoi, shaadi kuria pichetey nahoi, hoilebi aji aru hudai din karney ekta contributing hoboley koishey. Eneka hoiley he moi khan aru bhi bhal society banabolet paribo.” Itu power toh hoishey knowledge para determine kurey aru students khan toh itu tools khan chula laga janiboley lagey itya laga technology toh, tai khan nijey ke empower kuriboley, knowledge para, tai para aru koishey.
Itu special guest para itu bhi koishey ki, Kohima toh hoiley ekta city asey kuntu toh history laga course toh budli kuri diye, aru students khan kun yatey study kurey, tai khan toh tai khan laga bacha khan ke kobo ki, tai khan utu raasta tey biraishey kotey super power khan biraishey aru jhagara kurishey.
Add Comment