March 11, 2024 : Nlumrai kun toh hoiley Mpai Village para asey, tai champion hoishey, Mpai Village laga Peinachi ke hari diya pichetey, itu 27th Zeliang Wrestling Champion laga final tey, kuntu toh hoiley itu Zeliang Wrestling Association para organise kurishey, GHSS Ground tey para, Jalukie Town laga, Peren District tey, 9th March 2024 tey.
Itu title jeeti kena, Nlumrai toh hoiley Rs 80,000/- laga cash prize jeetishey, aru 1st runner up -Peinachi toh hoiley Rs 50,000/- jeetishey. Kezanglwa Village laga Suiriepeu aru Kendung Village laga Isapsi toh hoiley 3rd aru 4th position tey paishey koi asey, kun khan toh hoiley Rs 30,000/- aru Rs 20,000/- paishey itu laga naam tey. Itu finalists khan kun toh hoiley quarter final tey punchishey tai khan bhi Rs 5000/- kuri kena paishey sob jon toh. Itu event ke grace kuri kena, itu Special Guest, Advisor, Urban Development & Municipal Affairs – Zhaleo Rio (IAS Retd.) para koishey Naga Wrestling toh hoiley bishi majetey itu bhi ekta purana traditional sport asey, itu Naga manu khan laga, aru poila agey laga jamana tey, itu toh hoiley teenta Naga tribe majetey khili thakey kuntu toh Angami, Chakeshang aru Zeliang bhitor tey, tai khan laga differences khan settle kuriboley itu dispute laga homoi tey. Tai para koishey itu toh hoiley inherent duty asey itu teenta tribe laga, itu sport ke ekta alag level tey loi jaboley karney aru itu alag Naga tribe khan bhitor tey bhi spread kuriboley koishey
Add Comment