California, 16 March : World number one Iga Swiatek para Marta Kostyuk ke friday dey 6-2, 6-1 overpower kurisheh aro ATP-WTA Indian Wells Masters laga final pahunjishey. Four-time Grand Slam champion Swiatek, kun 2022 Indian Wells title jitishey, 32nd-ranked Ukrainian Kostyuk laga agey jawoleh khali 69 minutes lagishey aro US Open champion Coco Gauff nahuiley Greece laga Maria Sakkari ke Sunday laga final dey samna kuribo. Ninth-ranked Sakkari, kun Swiatek laga khilaf 2022 Indian Wells final dey girishey, third-ranked Gauff logot para agey set 6-4 luishey kitia paarish para taikhan laga match olob deri karney rukhai dishey.
Swiatek aro Kostyuk para desert showers avoid kurishey, huilewi overcast, dhaanda haalat dey khilishey kuntu para itu red-hot Swiatek ke rukhawo parianai.
Juti tai ekta set bhi nagiraina final pahunjishey, Swiatek para agey dey jeet luina insist kurisheh ki tai laga khel dey tai kunwa cheez sort out kuriboley lagey.
Itu Ukrainian, tai laga agey 1000 level semi-final dey khilina, match khuliwoley serve luishey, huilewi Swiatek ahia five khel jitishey aro ek gondha aatha pitor dey opening set jitishey.
Kostyuk, kun 17 winners aro 23 unforced errors logot khotom huishey, ship right kuriboley raasta painai.
Tai second set dey 3-0 girishey aro tai laga left theng dey treatment luwo lagishey.
Swiatek, 22, Australian Open dey tai laga disappointing third-round exit para strong ahishey.
Tai Doha dey itu title aro Dubai dey semi-finals jitishey, aro tai laga 19 match jeet khan toh itu saal laga WTA khiladi maju dey sobse bishi asey.
