March 19, 2024: Former K-pop star Jung Joon-young prison chari shae gang rape aro illicit filming karne five-year term complete kura piche deh. Etu tho South Korea laka sobse ekta high profile spycam scandals ase.
Jung tho rape karne guilty pai shae tuita occasion deh. Etu tuita occasion b 2016 deh taki shae. Korean deh tho “molka” koi. Spycam tho bishi wak mota kan para chui maike kan laka video lokai nah lua tho. Jung laka case tho sobse high profile-sex scandals ekta ase kuteh mota celebrities kan b taki shae. Etu case tho local #Me Too movement laka height time deh ahi shae, kuteh maike kan bishi protest kuri shae capital Seoul deh. Taikan etu words hala kuri taki shae: “Muila life tho apni laka porn nahoi”.
Alak ekta K-pop star kun popular boyband BIGBANG laka former member ase. Tai b Jung laka video kan pai shae kui nah guilty pai shae. Former member tho Seungri ase. Etu heh nahoi nah sex aro drugs scandals karne b guilty pai shae.
Kala topi aro mask lakai nah, 35 sal laka Jung tho Mokpo deh taka prison para olai shae. Tai Tuesday din deh jail para olai shae, press kan lokot kotha nakuri nah, News1 agency para report kuri shae.
Source:
Add Comment