March 19, 2024: President Joe Biden para Israeli Prime Minister Benjamin Netanyahu keh warning di hae. Etu warning tho Rafah laka ekta major ground operation deh ase. Biden para etu operation tho gulti hobo kui shae aro Israeli laka plans deh kotha kuri bole acha kui shae tuita b. Etu kotha tho Washington deh lubo leh ase.
National Security adviser Jake Sullivan para Biden, etu Netanyahu keh hudi shae kui shae. Rafah laka plan deh kotha kuri bo karne Washington deh taikan laka military, intelligence aro humanitarian officials laka team pata b kui nah. Taikan Rafah laka plan nahoi nah alak ekta approach jabo karne kotha kuri bo mun jai ase. Ekta approach kuto Hamas keh target kuri bo aro ekta full-scale invasion nakuri nah Egypt-Gaza border keh secure kuri bo. Sullivan para meeting tho hapta hus time deh hobo pareh kui shae.
“Ekta majo ground operation tho gulti hobo. Enaka kura tho khali innocent civilian manu kan heh muri bo aro puila para heh bia taka humanitarian crisis tho aro bia kuri di bo,” Sullivan para reporters kan keh kui shae Monday din deh.
Tai para Netanyahu, meeting lubo karne request tho accept kuri shae kui shae. Israel kan kotha nakura tak Rafah deh ground operation nakuri bo kui nah US kan expect kuri ase, Sullivan para kui shae.
Add Comment